मादक पदार्थसितै युवक पक्राउ

मनोज वोगटी
कालेबुङ, 26 जुलाई।
कालेबुङ पुलिसले कालेबुङलाई ड्रग्स मुक्त गर्न अनेकौं पहल गरे पनि अनि दोषीहरूलाई पक्राउ कार्य जारी राखे पनि मादक पदार्थ बेचविखन र सेवनमा कुनै पनि परिवर्तन देखापरेको छैन। अहिलेसम्म धेरैलाई पक्राउ गरिसकिएको भए पनि उनीहरूलाई उचित दण्ड नदिइएको कारण ड्रग्स तथा मादक पदार्थ वेचविखन कार्यले निरन्तरता पाइरहेको छ। हिजो पनि टिस्टा ब्रीजबाट राती 9ः30मा कालेबुङ थानाले मादक पदार्थ बेचविखन गर्ने ओल्ड टिस्टा ब्रीज निवासी दिपेन थापा उर्फ राणालाई पक्राउ गर्‍यो। राणाालाई राती नै कालेबुङ थानामा ल्याइयो भने तिनलाई ड्रग्स एण्ड कस्मेटिक्स एक्ट अनुसार मुद्दा दर्ता गरिएको छ। दिपेनबाट कालेबुङ पुलिसले 50 बोतल रोकोडेक्स अनि 54 फाइल एसपी फेला पारेको थियो।