गोरूबथानमा इन्द्रबहादुर राई कलेज

विमल गुरूङद्वारा शिलान्यास
मनोज वोगटी
कालेबुङ, 25 जुलाई।
विकासको मूल फुटाउने बाचा गर्दै गोर्खाल्याण्डको आन्दोलनलाई विश्राम दिएर गोर्खाल्याण्ड टेरिटोरी एड्‌मिनिष्ट्रेशनमा सहीछाप गरेपछि गोर्खा जनमुक्ति मोर्चाले आजदेखि विकासको मूल फुटाउने काम शुरू गरेको छ। गोरूबथानको आहाले-2 स्थित 2002 देखि थॉंतीमा रहेको डिग्री कलेजको निर्माण शीघ्र गरिने भएको छ। मोर्चा अध्यक्ष विमल गुरूङ कलेजको निर्माणको निम्ति शिलान्यास गर्न गोरूबथान पुगेका थिए। गोरामुमो कालदेखि नै यहॉं कलेज बनिने हल्ला चलेको भए पनि अहिलेसम्म पक्का निधो भएको थिएन। तर आज विमल गुरूङले आहाले-2 मा पुगी पुजा अर्चना गर्दै शिलान्यास गरेपछि कलेज बनिने पक्का भएको छ। कलेज निर्माण गर्न गठित कमिटीमा मोर्चा अध्यक्ष विमल गुरूङ नै अध्यक्ष रहेका छन्‌ भने विधायक डा.हर्कबहादुर छेत्री सचिव रहेका छन्‌। शिलान्यासपछि गुरूङले हप्तादिनदेखि नै निर्माण कार्य शुरू हुने बताएका छन्‌। गोरूबथान डिग्री कलेजको बोर्ड राखेर शिलान्यास गरेको भए पनि गुरूङले डिग्री कलेजको नाम इन्द्रबहादुर राई हुने जनाए। शिलान्यासपछि पानडॉंड़ामा सम्पन्न जनसभामा तिनले कलेजको नाम घोषणा गरे। जीटीएले पहाड़मा मोठ आठवटा कलेज निर्माण गर्ने भए पनि सोही मध्ये एक यो कलेज बनाइएको हो होइन भन्ने कुरा स्पष्ट भएको छैन। जीटीएद्वारा होइन पार्टीको तर्फबाट नै आज गुरूङले कलेज निर्माण गर्न 20 लाख सहयोग राशि संग्रह गरेको बताउँदै कलेज निर्माणको निम्ति गोरूबथानका सम्पूर्ण जनताको सहभागिता हुनुपर्ने जनाएका छन्‌। 44 महिनाको आन्दोलनमा अन्य ठॉंउको तुलनामा गोरूबथानको योगदान धेरैै रहेको अनि गोरूबथान आन्दोलनको कुरूक्षेत्र नै बनेको बताउँदै तिनले भने, अब दार्जीलिङ कालेबुङ भन्दा गोरूबथान विकशित हुनुपर्छ। किन भने यो क्षेत्र डुवर्सको सीमाना क्षेत्र हो। जीटीए क्षेत्रमा विकास गरेर हामी आदिवासी विकास परिषद अनि बङ्गाल सरकारलाई चुनौती दिन चहान्छौं। आज जीटीएभित्र पस्दिन भनेर जीटीएको विरोध गर्नेहरूलाई भोलीको दिनमा जीटीएमा राल चुहाउने बनाउनेछौं। मोर्चाको पक्षबाट यो कलेज गोरुबथानलाई उपहारस्वरूप रहेको बताउँदै यस कलेज दार्जीलिङ,कालेबुङ अनि खरसाङको कलेजहरूभन्दा भन्नै रहने अनि कलेजमा विध्यार्थीहरूको निम्ति सबैप्रकारको सुविधा रहने जनाएका छन्‌। कलेज निर्माण कार्यमा आफू स्वयं खट्‌ने बताउँदै गुरुङले निर्माण कार्यमा कुनै प्रकारको घोटला हुनु नहुने बताए।

जीटीएपछि राज्य
तिनले भने, मान्छेको निम्ति सबैभन्दा ठूलो कुरा विकास हो। जीटीए चलाएर हामीले बङ्गाल र केन्द्र सरकारलाई देखाउन सक्नुपर्छ। जीटीए चलाएपछि सरकारको पक्षमा कुनै हामीलाई दिने विकल्प युटी र राज्य मात्र रहनेछ। जीटीएभित्र हामी गोर्खाहरूलाई मात्र होइन डुवर्स क्षेत्रमा हेपिएर बसेका आदिवासी,राजवंशी, कोचेमेचे सबैलाई नोकरी दिन चहान्छौं। हाइपवर कमिटिले डुवर्स क्षेत्र लगायत सम्पूर्ण दार्जीलिङ जिल्लाको निरीक्षण गरेपछि कमिटीको निर्णय अनुरूप नै जीटीएको चुनाउ हुने तिनले बताए।

दाबी सबै मौजा पस्छ भन्ने छैन
जनसभाबाट नै तिनले डुवर्सका जनतालाई सम्बोधन गर्दै मोर्चाको झण्डा रुखमा होइन घरमा लगाइदिने अपील गरे। तिनले भने, हाइपवर कमिटीले रुखलाई सोध्दैन, घरलाई सोध्छ। यसकारण रूखमा होइन घरमा झण्डा लगाउनुपर्छ। हाइपवर कमिटीको निर्णय अनुसार नै डुवर्सका क्षेत्रहरू जीटीएमा अन्तरभुक्त हुनेछ। डुवर्सको सम्पूर्ण गोर्खा बाहुल क्षेत्रहरू जीटीएमा गाभिन नसक्ने संकेत दिँदै तिनले भने, सबै क्षेत्र जीटीएमा अन्तरभुक्त हुन्छ भन्ने छैन। नभएका क्षेत्रहरूलाई पनि हामी अवश्यै विचार गर्नेछौं। त्यहॉंको समस्याको समाधान पनि गर्नेछौं। जनता ढुक्कले बस्नु।

विमलको मुद्दा अर्कै छ, हस्ताक्षर सचिवको हो
पहाड़का विपक्ष दलहरूले आफूलाई जीटीएमा बिक्रि भएको आरोप लगाइरहेको सन्दर्भमा तिनले भने,म बिक्रि भएको छुइन। जीटीएमा हस्ताक्षर मैले गरेको होइन। सचिवले गरेको हो। विमलको मुद्दा अर्कै छ। जसको प्रतीक्षामा आजसम्म बसेको छु। विमलले कहिल्यै आफ्नो इमान बेच्दैन। मोर्चाले मुद्दालाई भुलेको छैन। जीटीएको नामले हामी खुशी छौं। अब राज्य हुन मात्र बॉंकी छ। पहाड़का बुद्धिजीवीहरूलाई पेपरमा मात्र होइन कार्यरूपमा उत्रिनुपर्ने अपील गर्दै जीटीएमा बुद्धिजीवीहरूको धेरै खॉंचो रहेको बताए। माकपा सरकारले गोर्खाहरूलाई बुलेट दिएको तर आज तृणमूलले भने जीटीए दिएको बताउँदै ममताको गुण गोर्खाहरूले भुल्नु नहुने तिनले बताए। जीटीएसित आइलाको तुलना गर्न नहुने बताउँदै तिनले जीटीएमा भ्रष्टचार नहुने दाबी गरे। तिनले भने, जीटीएमा प्रत्येक व्यक्तिले आफ्नो योग्यता अनुसार काम गर्नुपर्छ। शिक्षकले ठेकादार होइन, स्कूल पढाउनुपर्छ। गोरूबथानको मार्केट पनि तिनले दिल्लीबाट आर्किटेक्ट झिकाएर केही दिनमा नै निर्माण कार्य शुरू गर्ने घोषणा पनि गुरूङले गरे।