एक समय गोरामुमोको गढ मानिने कालेबुङमा अब गोरामुमो अस्तित्वबिहिन बनिसकेको हो त भन्ने प्रश्न उठ्न थालेको छ।
कालेबुङमा गोरामुमोले आज स्थापाना दिवस पालन गर्ने हल्ला थियो। तर आज पार्टीको स्थापना दिवसमा पनि गोरामुमो समर्थकहरू निस्किएनन्। गत विधानसभा चुनाउसम्म पनि पहाडको दह्रो विपक्षी दलको रूपमा परिचय दिने गोरामुमो समर्थकहरू आफ्नो नेताहरू पहाडमा नरहेकै कारण अघि आउन नसकेको नाम नबताउने सर्तमा एक गोरामुमो कार्यकर्ताले बताए। उक्त कार्यकर्ताअनुसार वर्तमान राजनैतिक परिस्थितिलाई केन्द्र गरेर गोरामुमो सडकमा निस्कँदा पहाडमा अशान्ति हुने भय लछेप्रे रहेको कारण उनीहरू अघि आउन सकेनन्। पहाडमा अझपनि गणतन्त्र नरहेको गोरामुमो कार्यकर्ताहरूले दावी गरेका छन्। आज कालेबुङमा पनि गोरामुमोले स्थापना दिवस पालन गर्ने हल्लाले नगरमा गोजमुमो कार्यकर्ताहरूको चलपहल निक्कै देखियो। गोरामुमोमाथि गुप्तचर विभागले पनि गिद्दे नजर राखिरहेको भएपनि आज कालेबुङको कुनै पनि क्षेत्रमा गोरामुमोले स्थापना दिवस पालन गरेन। कालेबुङमा गोरामुमो प्रायः अस्तिवबिहन बनिसकेको हो कि भन्ने शङ्का गर्न स्वभाविक बन्छ। किनभने, कालेबुङका पूर्व गोरामुमो अध्यक्ष दावा पाख्रिनले गरामुमोलाई त्यागेर आफ्नै नयॉं दल गोर्खा राष्ट्रिय निर्माण मोर्चा गठन गरिसकेका छन् भने गोरामोमो अग्र पङि्क्तका नेताहरू मौरिश कालिकोटे, प्रकाश दाहाल, छिरिङ शेर्पा आदि अझ पनि समतलमा निर्वासित जीवन बिताइरहेका छन्। लगभग 5 वर्षसम्म पार्टीका नेताहरूले समतलबाट रमिता मात्र हेरिरहेकोले पहाडका गोरामुमो समर्थकहरू हताश बनिसकेको पनि राजनैतिक पर्यवेक्षकहरू ठान्छन्। स्मरण गराइन्छ, छैटौं अनुसूचीको माग गर्दा नै पहाडबाट लखेटिनु परेका गोरामुमो सुप्रिमो सुवास घिसिङ आजपर्यन्त पनि छैटौं अनुसूचिकै वकालती गरिरहेका छन्। समतलमा नै बसेर पनि छैटौं अनुसूचीकै वकालती गरिरहने सुवास घिसिङको अहिलेको मौनता सबैमा एक जिज्ञासा नै बनेर रहेको छ। एकातिर गोरामुमोलाई सत्ताच्यूत गरेर सुवास घिसिङलाई पहाड छोड्न बाध्य बनाउने गोजमुमोले अहिले जीटीएको निम्ति करसत गरिरहेको समय छैटौं अनुसूची अनि जीटीएको क्षमतालाई तुलना गरेर हेरिने कार्य पनि भइरहेको छ।
0 comments: on "कालेबुङमा गोरामुमो अस्तित्वबिहिन?"
Post a Comment