सिर्जना र अभिष्टबाट भारतीय नेपाली साहित्यिको क्षेत्रमा पहिलो युवा साहित्य एकादमी पुरस्कार बिजेता कवि कमल रेग्मीको निम्ति तिनको कविता संग्रह सिर्जना र अभिष्ट ‘लक्की’बनेको छ।
लक्की यसकारण कि यो पुस्तकले दुइटा ह्याट्रिक गरेको छ। तिनकी स्वास्नीको नाम सिर्जना अनि छोरोको नाम अभिष्ट। स्वास्नी र छोरोको नामबाट कविता पुस्तकको नाम जुराउने कवि रेग्मीको यो पहिलो ह्याट्रिक थियो। सिर्जना र अभिष्टभित्र कै दुइ कविता पढ्न कमल रेग्मीलाई साहित्य एकाडेमीको सर्वभारतीय कवि सम्मेलन अनि आकाशवाणीको सर्वभाषा कवि सम्मेलन पुर्याएपछि अब पहिलो युवा एकाडेमी पुरस्कार ग्रहण गर्नको निम्ति अब दिल्ली पनि पुर्याउने भएको छ। कमल रेग्मीको ह्याट्रिक गर्ने बानी गाउँदेखि नै हो। तिनले 1995 देखि 1997सम्म झोलुङको भानु जयन्तीको कविता गोष्ठीमा पहिलो पुरस्कारमा ह्याट्रिक गरेका थिए।
एक भेटमा तिनले आज भने, बिहान फोन अन गर्ने वत्तिकै एक शुभचिन्तकले म्यासेज पठाएका थिए। त्यहींबाट थाहा पाएँ पहिलो युवा साहित्य एकाडेमी मैले पाएको रहेछु। मलाई लाग्यो कविकोरुपमा मलाई जुन मान्यता प्रदान गरियो, त्यसलाई इमान्दाररुपले निर्वाह गर्ने भार आयो।
वास्तवमा शुरुमा कमल रेग्मी कवि नै थिए। जब तिनको गीत नेपाल भारतका नेपाली श्रोताहरूले सुन्न थाले तिनी गीतकारकोरुपमा परिचित बने। सन् 1996मा कमल रेग्मीका कविताहरू प्रकाशित र्ने रेग्मीले 2006 मा गीत संग्रह कॉंड़ाफूल प्रकाशित गरे। यही संग्रहले तिनको सिर्जनात्मक जीवनमा नयॉं दिशा थप्यो किन भने गीत संग्रहले दुइ संस्करण प्रकाशित भएको इतिहास कॉंड़ाफूलको मात्र छ। कॉंड़ाफूल पढ्नेहरूलाई किताब दिएर मात्र तिनलाई पुगेन।
अर्को वर्ष तप्कना गीति सिडी नै निकाले। रेग्मीको सिर्जनशक्तिलाई छेउबाट चिनेका दार्जीलिङको प्रकाशन संस्था श्याम ब्रदर्शले रेग्मीका कृतिहरू वर्सेनी प्रकाशित गर्दै आइरहेको छ। तप्कनापछि तिनले पुरस्कृत कविता संग्रह सिर्जना र अभिष्ट प्रकाशित गरेका हुन्।
यहीँबाट तिनका सातवटा कविताहरू हिन्दी र अंग्रेजीमा अनुवाद समेत भइसकेको छ।
अघिल्लोवर्ष गजल संग्रह ऋृतु गीत प्रकाशित गर्ने रेग्मीले 2011 मा पनि कमलकोठी नामक गजल संग्रह नै प्रकाशित गरेका छन्। प्रत्येक वर्ष एउटा पुस्तक प्रकाशित गर्ने संकल्प नै लिएका रेग्मीको 2012 मा हिउँको आगो नामक गीत संग्रह प्रकाशित हुने भएको छ। 1993 मा गाउँमा पर्यावरण दिवस मनाएको केही दिनपछि कमल रेग्मीको पर्यावरण दिवस शीर्षकको कविता सरमाथामा प्रकाशित भयो। त्यसैदिनदेखि कवि भएको कमल रेग्मीले कालेबुङ कलेजमा कमल शर्मा रेग्मी भएर कविताहरू लेखे। कलेजपछि गोरुबथानमा शिक्षक बनेर गएपछि नै तिनको सिर्जशीलता खुुलेको हो।
रोङ्गो सिन्कोना बगानको गैरीबास डिभिजनका कमल रेग्मीले प्राप्त गरेको पुरस्कार यो भेगको सबैभन्दा ठूलो पुरस्कार रहेको छ।
0 comments: on "सिर्जना र अभिष्टमा ह्याट्रिक गर्दै पहिलो साहित्य युवा साहित्य एकाडेमी विजेता कवि रेग्मी"
Post a Comment