समकालीनता

बासुदेव पुलामी मेरै अघिल्तिर ठिङ्ग उभिएको छ समयको चौडादार निधार। यो के हो ? आफैलाई उत्तरको मुलुक थाह छैन। फ्रस्ट्रेसनदेखि टाडा हुनलाई नै उसले एउटा झण्डा समातेको हो । झण्डाको रङ्ग र उनीहरूका विचार लत्तपत छन् यतिखेर। कुन रङ्गले लेख्नु जीवनको रमाइलो गीत ? जुलुस र गीतको बिचबाट गाउन खोज्छ रङ्गीन जीवनको उत्सवमय समय । तर गीतबाटै चोरेर लगेको जीवनको लय थाह छैन उनीहरूलाई । हातभरि झुण्डिएका सफलताका औलाहरू दिनहरूले चुडाउँदैछन्। रातारात अपहृत भएर हराउदै गइरहेका उनीहरूका विजयहरूले कसैलाई त नाफा हुँदैछ नै । कति दिन थाम्ने हुन् यसरी ? एक जेनेरेसन दुइ जेनेरेसन तीन जेनेरेसन.. चार...... हामी जस्तै त छन् उनीहरू पनि। हड्डी छाला र रगत एउटै छन् । तर तिनीहरू सत्ताधारी युवाहरू हुन् । आफ्नो अनुहारमा उज्यालोको मेरूदण्ड भाचिँएको वर्तमान बोकेर हिँडिरहेका हाम्रा हात गोडा र औलाहरूले के देश थाम्न सक्लान् र ? कारण उनीहरू पनि त यही देशका युवाहरू हुन्। समय / सन्नाटा / र समकालिनता अनि ती प्यारा प्यारा अनुहारहरू ।