SAROKAR: गजल

सञ्जीव छेत्री

अहिले केही ल्याउन पाइनँ मैले सुनाउन

कहिले केही ल्याउन पाइनँ मैले सुनाउन ।।

अलिक घरमा छोडिएँ र अलिक बजारमा

जहिलै केही ल्याउन पाइनँ मैले सुनाउन ।।

गजलमा'नि संक्रमण छ आजभोलि साथी

उसैले केही ल्याउन पाइनँ मैले सुनाउन ।।

जिन्दगीले फर्माइस त गरिबस्यो सधैँ

कहिले केही ल्याउन पाइनँ मैले सुनाउन ।।

आज आएँ 'सन्जु'लाई मन- गीत् सुनाउन

पहिले केही ल्याउन पाइनँ मैले सुनाउन ।।

बजारमा उपलब्ध

किताबबाट केही अंश...

रतन्धो लाग्यो आँखालाई
छेउमै भएको षड़यन्त्र पनि देख्दैन।
•
जहिल्यै पनि युवा इतिहास
हातमा पेन्सिल बोकेर पहाड़ चढ्छ
नक्शा बनाउँछ
तरूणीको सपना देखाउँछ र स्खलित गराइराख्छ।

अझ्झ पनि झुकेरै उभिएको छ
टाउको।
•
गाउँ लेख्यो कि भॉंचिन्छ
सरकारको नींब।
•
गीतलाई रिस उठ्ता
कत्रो भूकम्प हुन्छ भने
देश पनि ढल्छ।
•
भत्किएको मन्दिर
कि त त्यसको सिकुवामा
टुक्सुक्क बस्ने शान्तिको
के भाग्य
के दुर्भाग्य।
•
सेक्स पावर बढ़ाउने विज्ञापन जति पनि नपढ़िने
आखिर कसले टॉंस्छ यस्तो पोष्टर?

जसले सधैँ निर्धोपनको व्याख्या मात्र गर्छ।

छाड़ा राजनीतिले
कतिचोटी गर्न सकेको एबोर्सन पनि।

राजनीतिको त्यो सेक्सीपन
कस्सैले लेख्न सक्दैन पोष्टरमा?
•

गजल

0 comments: on "गजल"

टप थ्री

कहॉं कहॉंबाट हेर्दैछ सरोकार

सरोकारको न्यूज वेबसाइट

पढ्नु होस्‌

बजारमा उपलब्ध

Followers