SAROKAR: रोटी

सी.के.श्रेष्ठ

धेरै वर्षहरु बितिसके
रोटीका चक्का लगाएका बेशरम गाडीहरुले
मान्छेको भावनालाई किल्चिंदै-किल्चिंदै हिंडेको पनि
धेरै वर्षहरु बितिसके---

रोटीको सिंहासनमा, रोटीकै मुकुट लगाएर
‘रोटी-सम्राट ‘ –हरु गर्जिन्छन् ----
जनाकांक्षाका कथा कथ्नेहरु सब सिल्लीहरु !
भावनाका गीत गाउनेहरु सब महामूर्ख !
अस्तित्वका कुराहरु सब पांग्दुरे गफ !
आदर्श भनेको त हावा मिठाई !!
सब वाहियात् – सब वाहियात् !
मान-इज्जत कमाएर के हुन्छ !
रोटी कमाऊ !! --- रोटी !!!

यसरी लक्ष्य र अभियान
संघर्ष र आन्दोलन
भावना र जनाकांक्षाको अध्यायले लिन्छ
एउटा छोटो ‘कमर्शियल-ब्रेक ‘
अनि शुरु हुन्छ विज्ञापन रोटीको --------
“ न सुन ठूलो न चांदी – न हीरा न त मोती
सबभन्दा ठूलो पेट – पेटभन्दा ठूलो रोटी !!! “
(प्रदर्शनोन्मुख नाटक “ दैलो “– बाट )

बजारमा उपलब्ध

किताबबाट केही अंश...

रतन्धो लाग्यो आँखालाई
छेउमै भएको षड़यन्त्र पनि देख्दैन।
•
जहिल्यै पनि युवा इतिहास
हातमा पेन्सिल बोकेर पहाड़ चढ्छ
नक्शा बनाउँछ
तरूणीको सपना देखाउँछ र स्खलित गराइराख्छ।

अझ्झ पनि झुकेरै उभिएको छ
टाउको।
•
गाउँ लेख्यो कि भॉंचिन्छ
सरकारको नींब।
•
गीतलाई रिस उठ्ता
कत्रो भूकम्प हुन्छ भने
देश पनि ढल्छ।
•
भत्किएको मन्दिर
कि त त्यसको सिकुवामा
टुक्सुक्क बस्ने शान्तिको
के भाग्य
के दुर्भाग्य।
•
सेक्स पावर बढ़ाउने विज्ञापन जति पनि नपढ़िने
आखिर कसले टॉंस्छ यस्तो पोष्टर?

जसले सधैँ निर्धोपनको व्याख्या मात्र गर्छ।

छाड़ा राजनीतिले
कतिचोटी गर्न सकेको एबोर्सन पनि।

राजनीतिको त्यो सेक्सीपन
कस्सैले लेख्न सक्दैन पोष्टरमा?
•

रोटी

0 comments: on "रोटी"

टप थ्री

कहॉं कहॉंबाट हेर्दैछ सरोकार

सरोकारको न्यूज वेबसाइट

पढ्नु होस्‌

बजारमा उपलब्ध

Followers