SAROKAR: मजदुर-1

विनम रनपहेंली

चियाको कलिलो पत्ताले
नअघाएका भुँड़ीहरू
ताँत लागेर
हिमाल चड़िरहेका छन्‌
हिज आज।

समतलका कार्वन-मोनो-अक्साइड
धसिएका अनुहारहरू
सफा हुन चाहन्छन्‌
पहाड़को मटीतेलले अनुहार धोएर।

प्रमात्रा थान्त्रिकीको सिद्धान्तलाई
अलि अलि फलाक्ने मुखहरूवाट
साईवेरियन हुण्डी
निस्केर
बत्याईरहेछ
यी तातो धुलोहरूलाई
एउटा झ्यालदेखि अर्को तर्फ।

कालो कात्रो ओडडेको बिहान
तीन बजे नैं ढोका ढक्ढकाउछ
कचेरा पुच्छदै फाटेका पत्लुनहरू
जिजीविशाको महाग्रन्थ पल्टाउछ।

बजारमा उपलब्ध

किताबबाट केही अंश...

रतन्धो लाग्यो आँखालाई
छेउमै भएको षड़यन्त्र पनि देख्दैन।
•
जहिल्यै पनि युवा इतिहास
हातमा पेन्सिल बोकेर पहाड़ चढ्छ
नक्शा बनाउँछ
तरूणीको सपना देखाउँछ र स्खलित गराइराख्छ।

अझ्झ पनि झुकेरै उभिएको छ
टाउको।
•
गाउँ लेख्यो कि भॉंचिन्छ
सरकारको नींब।
•
गीतलाई रिस उठ्ता
कत्रो भूकम्प हुन्छ भने
देश पनि ढल्छ।
•
भत्किएको मन्दिर
कि त त्यसको सिकुवामा
टुक्सुक्क बस्ने शान्तिको
के भाग्य
के दुर्भाग्य।
•
सेक्स पावर बढ़ाउने विज्ञापन जति पनि नपढ़िने
आखिर कसले टॉंस्छ यस्तो पोष्टर?

जसले सधैँ निर्धोपनको व्याख्या मात्र गर्छ।

छाड़ा राजनीतिले
कतिचोटी गर्न सकेको एबोर्सन पनि।

राजनीतिको त्यो सेक्सीपन
कस्सैले लेख्न सक्दैन पोष्टरमा?
•

मजदुर-1

0 comments: on "मजदुर-1"

टप थ्री

कहॉं कहॉंबाट हेर्दैछ सरोकार

सरोकारको न्यूज वेबसाइट

पढ्नु होस्‌

बजारमा उपलब्ध

Followers