मुद्दा खेप्दै विधायक

कालेबुङ, 9 अप्रेल।

एक जमानाका प्रशिद्ध राजनैतिक आलोचक राजनीतिमा नै लागेर विधायक भएपछि खुरुखुरु मुद्दा खेपिरहेका छन्‌। तिनी हुन्‌ डा. हर्कबहादुर छेत्री। यिनी गोरामुमोकालीन राजनैतिक आलोचक हुन्‌।

तिनको आलोचनाले नै गोरामुमोलाई धरायसी बनाउने कार्य गरेको ठान्नेहरू अहिले दुविधामा रहेको भए पनि डा. छेत्रीलाई पछि फर्केर हेर्नु छैन। तिनी तिनका पाठक जो अहिले जनता छन्‌, उनीहरूकको निम्ति नै राजनीतिमा आएको बताउँछन्‌। तिनी आज स्ट्याण्डिङ कमिटी (होम)को जरुरी बैठकको निम्ति कोलकाता जानुपर्ने थियो। तिनी यसको एक सक्रियसदस्य हुन्‌ तर तिनी गए कालेबुङ न्यायलय। गोजमुमोको आन्दोलनलाई छोडेर पहाडमा शान्ति ल्याउने सम्झौता गर्दै पहाडको निम्ति जीटीए सञ्चालनमा आउने भएपछि मोर्चाले सरकारसित आन्दोलनकालमा लागेका सबै मुद्दाहरू माफ हुनुपर्छ भन्ने माग गरेको थियो। हत्याको मुद्दा बाहेक अरु मुद्दा माफ गरिदिने सरकारी बचन पनि थियो। यी नै विधायकले केही महिना अघि भनेका थिए, मैले मुख्यमन्त्रीसित कुराकानी गरेको छु, 10 दिनभित्रमा नै सरकारी मुद्दाहरू खारेज हुनेछ। तर चार महिना बित्यो सरकारी मुद्दा खारेज हुनु त परैको कुरा तिनी आफैले मुद्दा धाउनु परिरहेको छ। तिनले भने, एकपल्ट भनेर कहॉं हुन्छ, सरकारमा त बारम्बार चाप दिइरहनुपर्छ। जनवरीमा नै सरकारी मुद्दा माफ हुन्छ भनिएको थियो। मैले मुख्यमन्त्रीसित कुराकानी गर्दा नडराई बस्दा हुन्छ, विस्तारै सबै काम हुन्छ भनेकी थिइन्‌। तर विभाग त अल्छे छँदैछ, सरकारले पनि उति चासो देखाएको जस्तो छैन। तर पनि दवाब दिइनरहुपर्छ। भारतमा कहॉं एकैपल्टमा कुरा सुन्छ र दिएको बचन पुरा गर्छ? तिनलाई दुइप्रकारको मुद्दा लगाएको छ सरकारी र व्यक्तिगत। सरकारी मुद्दा र सरकारीरुपले नै माफ हुन्छ तर व्यक्तिगत मुद्दाले समय खान्छ। तिनले भने, कसले मुद्दा लगाएको हो, उनै देखिएको छैन। केवल मुद्दा संख्या मात्र थाहा भइरहेको छ। मुद्दा नलगाउने नआएकोले एउटा ट्रायल हुँदा नै जम्मै मुदा छिनाफान भइहाल्छ।